बैशाख ५, काठमाडौँ । इण्डियन प्रिमियर लिग आइपिएल अन्तर्गत आज एक खेल हुँदैछ ।
आज गुजरात टाइटन्स र दिल्ली क्यापिटल्सबीच खेल हुँदैछ । अहमदावादमा हुने यो खेल नेपाली समय अनुसार राति ७.४५ बजेदेखि शुरु हुने छ ।
जारी आइपिएलमा गुजरात टाइटन्सले अहिलेसम्म खेलेका ६ खेलमा ३ जित हासिल गरेको छ भने ३ खेलमा हार व्यहोरेको छ । त्यसैगरी दिल्ली क्यापिटल्सले भने अहिलेसम्म खेलेका ६ खेलमा २ जित र ४ हार व्यहोरेको छ ।
गुजरात टाइटन्स यस सिजनमा शुभमन गिलको कप्तानीमा खेल्दै छ । गुजरातले टिम खेलेको पहिलो सिजनमै विजेता र गत सिजनमा उपविजेता बनेर बलियो टिमको उदाहरण दिएको छ ।
